BierzoDiario ha cambiado la ubicación de su página web
Ahora puede visitarnos en Bierzodiario.es
Ponferrada acollerá en xuño probas para obter o certificado en lingua galega Imprimir Correo electrónico
Lunes 22 de Abril de 2019 11:27

A Secretaría Xeral de Política Lingüística ten aberto ata o 25 de abril o prazo para matricularse nas probas para a obtención dos certificados de lingua galega que se celebrarán en Santiago de Compostela (niveis Celga 1, 2, 3 e 4) e en Ponferrada (niveis 2, 3 e 4) o vindeiro mes de xuño.

As datas concretas de realización dos exames, así como os horarios e as sedes onde se desenvolverán, publicaranse no Diario Oficial de Galicia (DOG) e no Portal da Lingua Galega unha vez que finalice o mencionado prazo e se coñeza o número exacto de aspirantes para cada un dos niveis, un dato imprescindible para organizar toda a loxística que requiren as probas.

O Celga é o certificado en lingua galega que expide a Xunta de Galicia a través da Secretaría Xeral de Política Lingüística e que acredita o coñecemento da lingua en cinco niveis. Trátase dun modelo de aprendizaxe, ensino e avaliación de lingua galega adaptado ao Marco europeo común de referencia para as linguas definido polo Consello de Europa, no que se describen os coñecementos e habilidades que se contemplan en diferentes niveis para que a comunicación sexa eficaz.

O Celga proporciona unha base común para a elaboración de programas de linguas, orientacións curriculares, exames, manuais etc. en toda Europa e confígurase en distintos niveis de coñecemento. Para isto, recolle as habilidades que reflicten a competencia comunicativa nas distintas destrezas e agrupa os contidos en lingua e comunicación (aqueles aspectos relacionados coas funcións comunicativas) e lingua e sistema (os vinculados co coñecemento do código e contidos socioculturais).

 

Utilizamos cookies para mejorar su experiencia de navegación. Al utilizar esta web usted acepta el uso que hacemos de las mismas. Para saber más sobre las cookies visite política de privacidad.

Acepto las cookies de esta web.

EU Cookie Directive Module Information